“أنا كلمتي نقولها وما يهمني في حدّ”: مقداد السهيلي يعلّق على دور نضال السعدي في “الفلوجة” !

تونس ــ الرأي الجديد 

علّق الفنان مقداد السهيلي، على أداء الممثل نضال السعدي في مسلسل “الفلوجة”، الذي يعرض على قناة “الحوار التونسي”.

ونشر مقداد السهيلي، تدوينة كتب فيها ما يلي:

“أنا يعرفوني القاصي والداني نقول كلمتي بوضوح واحترام وصراحة في الوجه ونمشي على روحي بعيد على المعلميّة اللي كلاو الدنيا بالتلحيس والمجاملة والتقفيف والترهدين واللّي ما يعدّل عليهم حد على خاطر معروفين ومنعوتين بالصبع”، على حدّ قوله..

وتابع: “نضال السّعدي كيف ريتو يمثّل قبل ما عجبنيش جملة وتفصيلا والاسباب تتطلب تفاصيل تقنية وفكرية يطول شرحها … لكن كيف تفرّجت فيه في الفلوجة تصدمت بعبد آخر … حضور مدروس ، تقمّص للشخصية قوي جدا وباين اللي تعب برشة وخدم برشة عالشخصية الشيء اللي خلّاه يفك الكاميرا ويعبّي التصويرة من غير تكلّف أو تصنّع … برافو نضال … يعطيك الصحة … قنعتني المرة هاذي وخلّيتني نصفّقلك”، حسب تعبيره.

وأضاف: “أما قول للّي علمك التجويد راهو الإدغام فيه نوعين بغنّة وبغير غنّة واللي بالغنّة يصير مع أربعة حروف فقط – وأدغمن بغنّة في يومن – معناها الياء والواو والميم والنون … برافو نضال”، وفق قوله.