“مينا” تكشف: عادل العلمي وقت التصوير يقوللنا تحت الطاولة إلبسوا اللي تحبّوا
تونس ــ الرأي الجديد
تحدّثت الكرونيكوز في قناة “تونسنا”، مينا بن سليمان، على الأسباب الحقيقية لإنسحاب الشيخ عادل العلمي، من برنامج “ضيفنا على كيفنا”.
وقالت “مينا”، في تدوينة على حسابها الرسمي بموقع التواصل الإجتماعي “فيسبوك”، “اما عن الشيخ عادل العلمي ما عندي معاه حتى مشكلة في شخصوا ولكن كتطبيق منيش نشوف في شيخ يسعى باش يهدي الناس بأسلوب لين … الشيخ ميحبكش في الدين اينفرك منوا تقلوا كلمة ايقلك انت كافر جهنم وبأس المصير بغض النظر عن التعطيلات الي تسببلنا فيها في التصوير والكواليس … ايقولك تحت الطاولة البسوا الي تحبوا اما مالفوق لا خاطر شيظهر في الكاميرا … ماذا عن شيخ ايحلل وايحرم وحدوا وايدخل الي ايحب للنار والي ايحب للجهنم والي ايحب للجنة … وايقلك كنت حالل مكتب لاصلاح ذات البين كي نسألوه ايقلك عادي تجيني طفلة يعجبها راجل معرس نكلم الراجل نقلوا هل تريد ان تتزوجها شرعا يعني الراجل ايعرس عرفي على مرتوا قالك ميتسماش عرفي يتسمى شرعي”، وفق قولها.
وتابعت: “ماذا عن شيخ ينفرك في الدين”؟؟؟
“كنت ديما ساكتة نقول كان هكا المسلمين والاسلام ايقول اقتلوا الي ميصليش و نحكم على الانسان من الظاهر على الدنيا السلام … الاسلام يسر وليس عسر والي ايحب ايحببك في الاسلام ثما ليانة و طريقة … واخر حاجة نحب نقلوا كيف قلبوا عليك الطرح في الحلقة الجاية وانكشف المستور معاش عينك باش تكمل تحب انت تتسلط على الناس اما الناس لا واخيرا معدة البرنامج هي الي طلبت منك انك تنسحب”، حسب تعبيرها.
