منشطة تونسية تكشف: هذا ما حدث لريم الرياحي خلال الفترة الأخيرة !
تونس ــ الرأي الجديد
تحدّثت المنشطة، أميمة العياري، عن قضية الممثلة التونسية، ريم الرياحي، وحالتها النفسية، خلال فترة “الفضيحة”، التي إنتشرت عنها مؤخرا.
وقالت أميمة العياري، “ريم الرياحي هي صديقة قبل ماتكون فنانة ، ريم هي صاحبتي وكيف اختي وأحنا قراب لبعضنا برشا”…
وتابعت: “ريم إلي كانت قبل شهر اوت محبوبة من الناس الكل ، ريم إلي عمرها ماجبدت حد وإلي عمرها ماعملت البوز ولا كلاشات حد … بقدرة قادر تتقلب الموزاين ملي كانت محبوبة تولي تتسب والناس تتهم فيها منغير حتى مايشوفو حاجة بعينيهم ويحكمو عليها قبل مايحكم القضاء ويقول كلمتو” …
وأضافت: “فما ربي في الوجود هو إلي يحكم ويقرر … ساعات ربي يرحم ولعباد ماترحمش … ريم 3 شهر ونص ماخرجتش من الدار ودخلت في حالة نفسية صعيبة … وتلقى فيديوات هابطين منهم فيديواتي أنا ماخذينهم من التيك توك متاعي وتصوروا قبل شهر اوت وهو ربي يعلم بيها شنوة حالها وقتها … بربي قبل مانقولو أي كلمة نخممو في صغارها وامها وعايلتها علاش تجلدوا في الناس هكا وحدكم ؟ … أنا نحيي ريم على شجاعتها والهادي زعيم إلي كان محترف ، إن شاء الله ترجع قوية ونشوفوها على قريب في مسلسل سوسن الجمني على قناة الحوار التونسي”…
وكانت ريم الرياحي، قد خرجت عن صمتها يوم السبت الفارط، مع الهادي زعيّم في قناة “الحوار التونسي”، مؤكدة أنها تعرّضت إلى “مظلمة”، وتمّ تشويه سمعتها.
