قيل أنها أصبحت “مدمنة” مخدّرات: شيرين عبد الوهاب تتحدّث لأوّل مرة !
القاهرة ــ الرأي الجديد
علّقت الفنانة المصرية، شيرين عبد الوهاب، لأوّل مرّة، على مسألة إدمانها للمخدّرات، التي روّجت مؤخرا.
وأوضحت شيرين عبد الوهاب، أن تحسّن حالتها النفسية، كان بسبب الدكتور نبيل عبد المقصود، قائلة: “أنا شخص طول الوقت بشتكي من نفسيتي، بس أنا بقالي شهرين حاسة إني مولودة من جديد، مبقاش فيه لوم، بقى فيه ضحك وهزار ودلع”.
وتابعت: “بقيت بعرف أنام، بطلت كل حاجة ممكن حد يبقى واخد عليها، يعني أنا كنت أحب أنام بحاجة تؤهلني للنوم، علشان أنا بحط دماغي على المخدة أفكر، لما اصحى أخد دوا للمعدة ودوا للحساسية، دلوقتي مابمشيش ببرشام صداع، والبركة في الدكتور نبيل عبد المقصود”.
وأضافت: “بعض التعليقات عليه كانت إيه؟ إن هو دكتور إدمان؟ طيب علشان هو دكتور إدمان لازم أبقى أنا بتعالج من الإدمان؟ هو صديقي، وبعدين في حاجة، في إدمان أدوية وأكل وعادات سيئة، الإدمان مالوش علاقة بالمخدرات بس، إحنا فلة مفيش مخدرات، أنا شمعة منورة … أنا كنت باخد دوا مسؤول عن إفرازات الأفكار الوحشة في النافوخ، الدوا ده كمان بطلته، هل ده كمان إدمان مخدرات؟ فأنا كنت محتاجة انضف جسمي من كل الكلام ده، يعني ديتوكس”.
