2.اعلامأهم الأحداثالمشهد السياسيبانوراماوطنية

“صرخة” إبنة الإعلامي المعتقل صالح عطية

تونس ــ الرأي الجديد 

نشرت سندس عطية، إبنة الإعلامي المعتقل “ظلما”، صالح عطية، لليوم التاسع عشر على التوالي، “صرخة” حول والدها، بخصوص وضعيته وصمت الإعلاميين والصحفيين ونقابة الصحفيين، وغيرهم.

وقد نشرت الصحفية سندس عطية، تدوينة مأثرة حول والدها، الذي يقبع في سجن المرناقية.

وفيما يلي نصّ التدوينة: 

وينهم أصحابك وأحبابك والناس اللي وقفت معاهم واللي عطيتهم من لحمك
وينهم اللي ديما ترمي روحك في النار على خاطرهم
وينهم العباد اللي دافعت عليهم وحاربت على خاطرهم
وينهم الصحفيين اللي يكلموك باش تعطيهم معلومات وفما حتى اللي يبعثلك أخبار ويقلولك صلحلنا
وينهم اللي انتي طلعتهم للتلافز ورديتهم عباد
وينهم اللي انتي صنعت منهم صحفيين وأسماء في تونس
وينهم اللي كي يقولولك آي راسي تمشيلهم تجري
وينهم يا بابا ؟؟؟؟؟؟؟؟؟؟؟
ريت مافما حد وقف معاك غير كعبتين يتحسبو بالصوابع
في أزمتك تخلاو عليك وماتلفتولكش
تي حتى اللي حاسبين رواحهم إعلاميين وكسرولنا روسنا على حرية الصحافة ما حلوش فمهم وما تكلموش
ويني نقابة العار والخنار كان جات حكاية على صحفي تافه وفاشل ويحكي على الفساد والهم راهم مدوا وجوههم أول الناس ودافعوا عليه لآخر نفس
أما صالح عطية لااااااا كيفاش يجي منو تي راهو كاريار كبيييير وقيمة ثابتة
راهو صالح عطية اللي كي يخرج في بلاتو يقلبها الدنيا
راهو صالح عطية اللي معروف بالمهنية متاعو
وأهم حاجة في هذا الكل راهو صالح عطية اللي يصلي ويخاف ربي موش يسكر ويسهر ويمكمك ويسرق ويتلبد للناس اللي عندها الفلوس واللي شادة البلاد
راهو صالح عطية اللي كلمته يقولها وما يخاف من حد
راهو صالح عطية اللي ما يحكيش في التراكن
غايرين منك وشامتين فيك خاطرك خير منهم وخاطرك أنظف وأشرف منهم الكل
تخلاو عليك ونساوك وما تفكرك حد 😥
أما ما تخافش عائلتك ما نساتكش حتى لحظة وموش باش تنساك وإلا باش تسلم في حقك والله ورب الكعبة لو كان نقعد وحدي باش نقعد ندافع عليك لآخر نفس في حياتي
وبالنسبة للناس اللي نساتك والله العظيم ربي يمهل ولا يهمل جايكم الدور ما تخافوش وحسبي الله ونعم الوكيل فيكم فردا فردا

شاهد أيضا :

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى