عزة سليمان تدافع بـ “شراسة” على النساء المحجبات: اللي قاعد يصير “فضيحة” !
تونس ــ الرأي الجديد (تدوينات)
دافعت الممثلة التونسية، عزة سليمان، عن النساء المحجبات، بعد أن تمّ منعهم من النزول إلى “المسبح” في عدّة نزل.
وأكدت عزة سليمان، في فيديو لها على “الإنستغرام”، أنه “لا فرق بين المرأة التي ترتدي البيكيني والتي ترتدي البوركيني”، مشيرة إلى أنه لكلّ إمرأة حريتها الشخصية، حسب تعبيرها.
وتابعت: “كيما لازمك تقبل وحدة عريانة … لازمك تقبل وحدة مستورة … اللي قاعد يصير فضيحة … في كافة الدول النساء أحرار اللي تحب تعري واللي تحب تستر روحها … وفي تونس نمنعوهم باش يعوموا خاطرهم متحجبين”…
وفيما يلي نصّ التدوينة:
ثمه ممارسات في النزل التونسية مش باهية قاعدين يمنعو في المحجبات بش يهبطو في البيسين… شنوا هذا؟!!! معناها عريانة ميسالش تعوم و متحجبة لا.. هاذي فضيحة !! وحدة لابسة بيكيني ولا وحدة لابسة بوركيني هاذي حرية شخصية و ما ثماش فرق.. قال شنيه المرا المتدينة تاكل و تمسخ حوايجها و تدخل تعوم بيهم.. مش صحيح انا نراهم بعيني كيفاش يدخلو يدوشو قبل ما يهبطو للبيسين.. و زيد الكلام الي نسمع فيه في بعض الإذاعات الي ترسخ الفكرة هاذي . والله عيب والله.. بكلنا كيف كيف و اي واحد عندو الحق بش يتفرهد و اللبسة حرية شخصية و حرية الاختلاف نقبلو بعضنا لازمك كيما تقبل وحدة عريانة لابسة بيكيني كيما تقبل وحدة تحب تعوم مستورة بالبوركيني “
